Iohannes Hus: State succincti​

| A 50r synodus et sic ecclesia 1^a quescione 1^a: "Dictum est solere in quibusdam locis pro percepcione crismatis nummos dari, similiter pro baptismo et comunione, hec symoniace heresis esse detestata est sancta synodus et anathematizavit, ut de cetero nec pro ordinacione nec pro crismate vel balsamo nec pro sepultura vel comunione quid quam exigatur statuit, sed gratis dona Cristi gratuita dispensacione donentur." 💬 Nec salvat exactores, ut post liceat exigere. Nam auctoritas ecclesie sub auctoritate Innocencii 1^a quescione III^a, capitulo III^o finali dicit: "Si quis prebendas vel prioratum seu decanatum vel promocionem aliquam ecclesiasticam seu quodlibet sacramentum ecclesiasticum, utputa crisma vel oleum sanctum et consecraciones altarium vel ecclesiarum interveniente exsecrabili ardore avaricie per pecuniam acquisivit, honore male acquisito | B 33r^a careat. Et emptor atque venditor et interventor nota infamie percellantur et nec pro pastu nec sub obtentu alicuius consuetudinis ante vel post aliquid exigatur vel ipse dare presumat, quoniam symoniacum est." 💬 Ecce quam plane dicit ecclesia, quod nec ante nec post exigatur, quoniam symoniacum est, nec sub obtentu alicuius consuetudinis, ut putant plures ex hoc licere, quia legem mortis de longa invaluisse consuetudine arbitrantur, non attendentes, quod tanto graviora sunt crimina, quanto diucius tenuerint infelicem animam alligatam. Extra de symonia capitulo. Cum in ecclesie corpore: O utinam clerici gravitatem heresis symoniace de longa consuetudine inducta cognoscerent, de qua sub auctoritate pape Pascasii 1^a quescione ultimo dicitur: "Patet symoniacos veluti primos et precipuos hereticos ab | C 65r omnibus fidelibus esse respuendos." 💬 Nam 1^a quescione 1 dicitur: Tollerabilior est Macedonii et eorum, qui circa ipsum sunt Sancti spiritus inpugnatorum impia heresis. Illi